Os usuarios das instalacións terán que trasladarse ao centro de saúde de Vilanova para recibir atención
03 ago 2021 . Actualizado ás 19:12 h.Tal e como cabía agardar, o centro de saúde de Baión (Vilanova) se que quedou sen médico este mes. O titular está de vacacións e o Sergas non dispón de persoal para substituílo. Alegan desde a Xunta que hai concellos en peor situación desde o punto de vista asistencial, de modo que os veciños de Baión terán que desprazarse en agosto ao centro de saúde do pobo para poder ser atendidos.
O alcalde, Gonzalo Durán, di que comprende o problema co que se atopa a Consellería de Sanidade á hora de cubrir as prazas de médicos, pero tamén opina que debería preverse e actuado en consecuencia. «Isto víase vir porque non hai médicos, é algo que terá que resolver o ministerio ou quen sexa. Hai que buscar unha solución, porque isto vai ir a peor», sinala.
O rexedor, médico de profesión, ofreceuse para cubrir esta praza en agosto, mesmo sen cobrar, pero a súa demanda caeu en saco roto.