Os feitos ocorreron de madrugada e non houbo que lamentar danos persoais
06 abr 2023 . Actualizado ás 18:34 h.Un incendio afectou esta madrugada a un taller mecánico de Pontecesures, situado no lugar de Redondo. O lume destruíu completamente seis autocaravanas do alugueiro que estaban aparcadas na chaira exterior sen que, polo momento, teñan transcendido as causas do suceso. O caso está a ser investigado pola Garda Civil. Non houbo que lamentar danos persoais e o operativo de extinción prolongouse durante unhas tres horas. O 112 recibiu o aviso do incendio ás 2.30 horas e ata o punto trasladáronse os Bombeiros do Salnés con base en Vilagarcía e o GES de Valga . Unha vez controladas as chamas, os bombeiros aínda tiveron traballo no lugar para desconectar as baterías e retirar as bombonas de propano que había nos vehículos co fin de garantir a seguridade na zona.