Ravella repartirá 40.200 euros en bolsas de 200 e 400 euros
04 dic 2018 . Actualizado ás 22:52 h.O Concello de Vilagarcía concedeu bolsas de estudos a 113 estudantes universitarios e de ciclos superiores. A cantidade distribuída ascende a 40.200 euros, con bolsas de 400 euros para os alumnos da Universidade e de 200 euros para os dos ciclos superiores de FP e UNED.
A xunta de goberno local aprobou onte a distribución das axudas. A maioría, un total de 88, foron para universitarios ou alumnos de estudos similares, cada un dos cales recibirá 400 euros. As 25 restantes corresponderon a alumnos de ciclos superiores de FP ou da UNED que cursen estudos fose do termo municipal, que percibirán 200 euros cada un.
As bolsas de estudos financiaranse a partes iguais entre a concellaría de Educación e a de Benestar Social, foron creadas polo goberno de Alberto Varela e concédense en función do nivel de renda.