Catro cruceiros á vez no porto

A principios do século XX non era infrecuente ver varios transatlánticos fondeados no porto de Vigo. Claro que entón non había peiraos para que puidesen atracar. A primeira vez que catro cruceiros coincidían ao mesmo tempo amarrados nos peiraos vigueses foi en abril de abril do 2011. Na foto pódese ver o Celebrity Eclipse, MSC Orchestra, Boudicca e Ryandam nos peiraos de transatlánticos e do comercio. Ese mesmo ano, a Universidade de Vigo realizaba un estudo que concluía que este tipo de embarcacións deixaban en Vigo un total de 15,2 millóns de euros anualmente. 

Naval

Crise total nun sector crave. Xa non empezou moi ben o ano para algúns estaleiros vigueses. En xaneiro entrou en suspensión de pagamentos Vulcano, despois Barreras tivo que acudir á lei concursal, e con eles foron moitas empresas auxiliares. Pero o golpe mortal chegou de Europa cando Holanda denunciou o novo modelo de rebaixas fiscais que o Goberno aplicaría aos clientes dos estaleiros españois, o tax lease. A suspensión paralizou o sector en Vigo, coa consecuente perda de postos de traballo.

Historia

Príncipe cumpre anos. La Voz de Galicia lembrou puntualmente os 150 anos de existencia da rúa do Príncipe con ese nome. La Voz reuniu nas escaleiras do Marco a representantes de distintas asociacións e elementos representativos da rúa.

Política

Caballero, en solitario. Non foi a lista máis votada pero si a que máis subiu nas eleccións municipais do 22 de maio. Abel Caballero iniciaba o seu segundo mandato como alcalde de Vigo. O BNG permitiu a toma de posesión, pero as súas bases decidiron non entrar no goberno municipal polo que o PSOE comezou a gobernar en solitario. Corina Porro abandonou a política municipal.

  

Sociedade

Os indignados. A gravidade da crise e as consecuencias que tivo sobre gran parte da poboación provocou que en Vigo se prolongase o latexado do movemento 15-M. As rúas recolleron a contestación social a través de manifestacións, acampadas reivindicativas e outras accións de protesta.

Infraestruturas

Estación de Guixar. Poucas semanas antes da chegada a Vigo da tuneladora Miñoca, o ministro José Blanco inauguraba a estación de ferrocarril de Guixar. Dicíase entón que sería provisional mentres non se concluíse a reforma de Urzaiz. Ao mesmo tempo, e máis de sesenta anos despois de ser proxectada, concluíase a rúa Rosalía de Castro.