Tocoulle a quenda a Maxime de Zeeuw, David Navarro, Deixan Kravic e o xogador do filial Gerard Jofresa
19 novs 2019 . Actualizado ás 05:00 h.Os xogadores do Monbus Obradoiro realizaron visitas aos colexios Castelao de Ordes e Camiño Inglés de Sigüeiro (Oroso). Deixan Kravic e o xogador do filial, Gerard Jofresa, foron os encargados de visitar aos nenos e nenas de primaria do Castelao, que se dividiron en dúas quendas para estar máis cómodos e escoitar atentamente as respostas a todas as súas preguntas. A visita rematou con dous mini partidos nos que os alumnos se enfrontaron aos xogadores, cos seus compañeiros animando desde a bancada. Tampouco se quixo perder esta visita o alcalde da localidade, José Luis Martínez, que se achegou ao pavillón.
Maxime de Zeeuw e David Navarro levaron unha gran sorpresa ao chegar ao Camiño Inglés de Sigüeiro e comprobar como estaban preparados para a visita ao ver fotografías súas por toda a sala. Os obradoiristas asinaron autógrafos, saíron ao patio para botar uns tiros cos alumnos e participaron no programa de radio do colexio, no que os alumnos entrevistaron os xogadores.