Kostas Vasileiadis non puido adestrarse ao cen por cento esta semana

Para o duelo ante o Joventut, Moncho Fernández poderá contar con Kostas Vasileiadis, aínda que o xogador grego non está ao cen por cento. Ten molestias nun xemelgo, circunstancia que tamén lle impediu render ao máximo no último encontro xogado polos obradoiristas na pista do Manresa, onde os galegos non puideron acadar por moi pouco a undécima vitoria do curso (75-72).

Para xogar ante os cataláns tivo que realizar «un gran esforzo», explica o adestrador. Por iso, os problemas volveron esta semana. Un pequeno inconveniente que obrigou ao triplista do Obra a abandonar a sesión de adestramento do mércores. Con todo, Vasileiadis estará cos seus compañeiros ante a Penya. Fronte ao Manresa non chegou aos vinte minutos de xogo e só anotou 10 puntos cun triplo de 8 intentos.

---

---

---