«O equipo está a xogar moi ben contra os grandes da Liga », sinala o xogador grego do Obradoiro
21 ene 2019 . Actualizado ás 12:33 h.Kostas Vasileiadis foi un dos grandes protagonistas do encontro. «Foi un partido, outra vez, moi axustado ata o final, cunha boa defensa pola nosa banda. Gañamos a un gran rival e agora só pensamos en seguir loitando», explicou ao finalizar o encontro o xogador grego, para quen o triunfo foi «ante un equipo con moita experiencia e con moito talento».
O xogador obradoirista subliñou que o equipo «está a xogar moi ben contra os grandes da Liga » e indicou que el está «con moita confianza», asinando grandes actuacións. «Cando non meto trato de facer mellor outras tarefas, como o rebote, a defensa e pasar ben o balón para que os meus compañeiros anoten canastras doados». Sobre o balance da primeira volta, o grego destacou que «con sete vitorias estamos moi contentos. Sabemos que poderiamos estar aínda mellor, pero tivemos moitas lesións. O equipo segue crecendo».