Incidencias menores na Mariña, sobre todo caídas de árbores sobre estradas, polo temporal

Os bombeiros tanto de Viveiro como de Ribadeo tiveron algo de traballo na pasada xornada polo paso de "Miguel", a ciclonégesis. Debido ao temporal, que rexistraba ás cinco da tarde de onte o refacho máximo de vento en Galicia en Penedo do Galo (Viveiro) de máis de 130 quilómetros por hora, caeron árbores sobre viarias da comarca por exemplo na N-634 en Vilamar, en San Martiño ou no Valadouro, entre outros puntos, que tiveron que ser cortados e retirados. As incidencias, en xeral, foron menores, dese tipo. Aínda que en Burela, segundo fontes consultadas, estivo a piques de caer sobre as 23.45 horas un sinal de grandes dimensións sobre a estrada e un farol, que foi suxeitada debidamente para evitar males maiores.

---

---

---