As dúas asociacións de empresarios do municipio valorarán xuntas o conflito
21 mares 2019 . Actualizado ás 12:01 h.Denuncias e queixas pola movida nocturna en Viveiro levaron ao Concello a reducir as ampliacións de horarios de apertura da hostalería local respecto da do resto da provincia nos dúas últimas pontes festivos. Ademais intensificou o control, tanto no centro histórico como en Cantarrana. Segundo a Asociación de Veciños Casco Antigo, veciños «desesperados» márchanse das súas casas de noite porque os ruídos ou o vandalismo impídenlles descansar. Xa son públicas as opinións das autoridades locais e dos veciños. As dúas organizacións de empresarios do municipio consultan aos seus socios sobre un problema que tamén os inquieta, e que valorarán conxuntamente.
Centro Comercial Histórico (CCH) de Viveiro e Beiras de Viveiro aínda non se pronunciaron ante o último rebrote de protestas cidadás. O control de horarios intensificouse e, segundo a alcaldesa María Loureiro, en xeral acátano. Aínda así, admite queixas veciñais e recalca que o Concello «intenta mediar da mellor forma posible». Todo o obxectivo de conciliar o dereito dos viveirenses ao descanso co dos empresarios a traballar e co dos noctámbulos a divertirse.
Desde Casco Antigo emprazan a «todos a respectar as normas», polo que, ademais de reclamar aos hostaleiros o respecto de horarios, pídenlles que pechen as portas para mitigar o ruído, que limiten a saída de bebidas ao exterior «e que se corresponsabilicen do que pasa ás portas dous seus locais». Ao Concello demándanlle que vixíe o cumprimento da lexislación, tamén a de insonorización e seguridade cando reabran establecementos con licenzas doutros tempos.
Agora queda por coñecer que pensan os hostaleiros, disposto «ao mellor entendemento».