É o tramo da N-642 entre o centro urbano e Porto, segundo un informe do Real Automóbil Club de Cataluña
17 dic 2018 . Actualizado ás 19:30 h.A carratera máis perigosa de España está na Mariña, en concreto, en Ribadeo. É o tramo de oito quilómetros da N-642 que discorre desde as aforas do centro urbano e Porto, no límite con Vegadeo. É o que se indica nun informe do Real Automóbil Club de Cataluña, do que onte se fixo eco o alcalde ribadense, Fernando Suárez Barcia, para reclamar ao Ministerio de Fomento que tome boa nota diso e actúe en consecuencia.
«A verdade é que ser acredores de tan distintivo galardón non é boa cousa, e en todo caso porque teñen razón en parte. Se ben é certo que é unha vía moi sinuosa, con moitas curvas, tamén é certo que leva moitos anos absolutamente deteriorada. Nos últimos meses foi obxecto dun rebacheo con aglomerado parcial», apuntou Fernando Suárez, que engadiu: «Esta estrada ten unha carencia que a fai moi perigosa, sobre todo para vos ciclistas ou para aquelas persoas que circulan en vehículos con dúas rodas, xa que as beiravías, vos chamados tamén arcéns, están sempre cheos de grixo, sempre cheos de grava, que dificultan ou paso e que supoñen un perigo sobre todo para vos ciclistas ou para xente que conduce vehículos de dúas rodas, e que polo tanto se faría necesario que por parte de Fomento prestasen atención a estas incidencias».