Envorca cun coche en Ribadeo tras circular un quilómetro desde o taller onde llo prestaron

Unha muller resultou ferida nun accidente de tráfico en Ribadeo, ocorrido pouco antes das sete da tarde deste martes, cando se dirixía a entrar na autovía. A vítima circulaba nun coche que lle entregaron prestado uns minutos antes, nun taller situado a menos dun quilómetro de onde se produciu o accidente. A muller superou a primeira rotonda en Dompiñor, e ao dirixirse á segunda, de onde saen os accesos á autovía en dirección a Asturias e Galicia, seguiu recta, entrando na rotonda e caendo co coche por unha pronunciada gabia pola que se evacúan augas pluviais. O vehículo envorcou. A muller presentaba feridas e foi evacuada en ambulancia, finalmente, ao Hospital de Jarrio.

---

---

---