A cita será este venres xunto á gran árbore da Glorieta Vilalba, desde onde se invita a facer un percorrido a pé para gozar da decoración en distintos espazos do casco e parroquias
01 dic 2021 . Actualizado ás 19:48 h.Este venres 3, ás 18.30 horas, acenderase a iluminación do Nadal de Fo z. Así o anunciou o alcalde, Francisco Cajoto, que avanzou que este ano haberá sorpresas e que o espectáculo comezará cun «Bright Friday» (Venres Luminoso) na Glorieta de Vilalba, baixo a gran árbore do Nadal que decora o lugar e coa actuación musical do director da Escola Municipal de Música, Felipe Sánchez.
Desde o Concello invitan a veciños e visitantes a gozar da decoración do Nadal cun paseo a pé desde o centro ao peirao, pola zona da Rapadoira, por Tupide para gozar do barco Joaquincito engalanado ou polas diferentes zonas do casco e as parroquias.
Bóla en Conde de Fontao
A tenente de alcalde e concelleira de Cultura, Inés López, destacou o traballo realizado pola empresa contratada para instalar as luces e polos operarios municipais. «Continuamos a engalanar todas as parroquias e dispuxemos novos elementos no pobo. Adornos como a gran bola da praza Conde de Fontao, a iluminación en Paco Maañón ou as lámpadas do barco da Casa do Mar ou do Cenima serán puntos focais do alumeado. E ampliáronse os adornos na Avenida de Asturias ata chegar a Vilaxoane. Cremos que o Nadal é de todas e todos; estou segura que imos sorprender», explicou a concelleira: «Cremos na ilusión que lles fai aos máis cativos e o importante que é tamén para o comercio local».
.