O Concello recibiu queixas de autoescolas da comarca
02 ago 2019 . Actualizado ás 05:00 h.O anuncio da instalación dun circo do 2 ao 4 de agosto xunto ao pavillón de Marzán provocou que autoescolas trasladasen as súas queixas ao alcalde de Foz alegando que a instalación do circo, que ocupará uns 500 metros, limitaría notablemente a actividade práctica das autoescolas no espazo reservado durante todo o ano para tal fin. O rexedor Francisco Cajoto recoñeceu que antes de dar permiso ao circo consultouse coa Asociación de Autoescolas, aínda que algunhas non integran o colectivo. Tras as queixas, desde o Concello estudaron tres alternativas e optaron por delimitar espazos para facer compatibles ambas as actividades.