Unha avaría deixou sen motor ao Mar de Annea
17 ene 2020 . Actualizado ás 12:19 h.Á deriva quedou na tarde do mércores un pesqueiro de Burela, o Mar de Annea. Saíu no seu auxilio a lancha Salvamar Alioth, con base no mesmo porto, e remolcouno ata o peirao, explican desde Salvamento Marítimo. Unha avaría no motor impedía navegar polos seus propios medios a un barco cuxos tripulantes non sufriron danos, segundo as fontes oficiais consultadas.
Construído no 2016, o Mar de Annea é un barco de 9,95 metros de eslora e casco de poliéster. Dedícase á pesca con artes menores fronte á costa mariñá.