O xogador laranxa do Peixes Rubén Burela FS Iago Míguez será intervido o vindeiro martes, 10 de decembro, da súa lesión
do xeonllo dereito, con rotura de ligamentos cruzado anterior e colateral medial, ademais de ambos os meniscos.
O burelista será operado en Madrid; ingresará no hospital de Fremap de Majadahonda o luns para pasar polo quirófano ao día seguinte. Como lembrarán, o xogador viuse obrigado a retirarse do parqué de Vista Alegre no partido ante Levante UD FS o 27 de setembro, por un gran choque nunha saída do meta visitante, que lle produciu a grave lesión.
Desde o Peixes Rubén Burela FS daban onte ánimo e apoio ao xogador, desde a directiva ata os seus compañeiros/as e cadros técnicos. «¡Moito ánimo, Iago! ¡A Familia Laranxa e Burela enteira están contigo!», manifestaban como sinal de cariño.