Ninguén asumía unha sondaxe telefónica que se fixo sobre a segregación de Burela

Desde a semana anterior, numerosos residentes no municipio de Cervo recibiron chamadas telefónicas invitándolles a pronunciarse sobre a segregación de Burela. Os e as encuestadoras identifícanse como

persoal de Galipública, grupo editor da revista Galicia Municipal que onte afirmou non estar realizando a consulta. As autoridades municipais tamén rexeitan vinculación algunha co tema.

As informacións obtidas dalgúns dos veciños de Cervo consultados indican que son tres as preguntas formuladas polos encuestadores. A primeira delas solicita un pronunciamiento favorable ou non á creación dun novo municipio en Burela, tema sobre o que tamén viran as outras dúas cuestións.

Os encuestadores, homes e mulleres, utilizan sempre a lingua castelá e o nome da empresa mencionada para identificarse. Se a persoa coa que queren falar non se atopa no seu domicilio, repiten chamada. Deuse tamén o caso de que algúns dos veciños din ter recoñecido as voces de quen lles consultaban, tras o cal interrompeuse a comunicación telefónica. Días despois, repetiuse a chamada con outra voz diferente, indicaron os cidadáns informantes.

As indagacións realizadas respecto da enquisa ante o Concello de Cervo e ante persoas vinculadas co proceso de segregación deron o mesmo resultado: negaron ter relación algunha coas persoas que realizan a sondaxe, aínda que si afirmaron ter recibido noticias de que se estaba efectuando.

Exposición do expediente

O alcalde de Cervo, Roberto Alvarez, entregou onte mesmo no Goberno Civil de Lugo o edicto previo ao anuncio de información pública do expediente de segregación, que os veciños poderán consultar a partir desta semana. Durante a exposición da documentación, os veciños poderán adherirse ou desligarse da petición de independencia para Burela, tal e como afirmou en repetidas ocasións o alcalde.

---

---

---