Os impulsores pulsan a opinión dos veciños sobre a temática do tapiz e repartiron huchas polos negocios para recoller donativos
17 abr 2018 . Actualizado ás 05:00 h.Hai vinte e cinco anos a comisión das festas patronais de Burela expuxo por primeira vez a idea de unificar os diferentes tramos da alfombra floral que se confecciona para o paso da Virxe do Carmen para facer unha greca común. Pasou un cuarto de século e este ambicioso proxecto non deixou de crecer.
Sen a implicación nin a axuda dos veciños, o tapiz non tería o éxito nin o recoñecemento dos que hoxe goza. Os impulsores desta iniciativa queren que este ano sexa especial e por iso instan a cidadáns e a colectivos a achegar ideas. Queren saber se deberían repetir greca ou outro debuxo, cal foi o tema que máis gustou ou que propostas diferentes exponse.
Desde a comisión veciñal das alfombras animan aos burelenses a colaborar na confección do tapiz deste ano. Para recadar fondos tamén repartiron por distintos establecementos locais varias huchas nas que os veciños e visitantes poden depositar donativos.
Tamén lembran que no ano 1994 a comisión das festas patronais estaba formada por Pepe de Oliva, Rivela, Juan Carlos Orol e O Chileno.