Carolina Sobe, exconcursante de GH, é un «pibón» grazas a Noel López

Na edición once do reality de Gran Hermano (Telecinco) entraba unha concursante guineana: Carolina Sobe, «cunha personalidade atrevida e divertida, conquistou ao público, a pesar de ser expulsada», lémbrase do seu paso pola «casa». Estivo nos programas Sálvame e Deluxe e participou en Sobreviventes 2014, Gran Hermano Dúo e, recentemente, en Sos en casa, foi asesora en Mulleres e Homes e Viceversa, é comentarista de debates e sae ao final de sériea «Veleno», nun papel secundario como colaboradora de televisión. Noutro plano, con moitos menos focos, ten un vínculo coa Mariña a través do dietista burelense Noel López Pinín, con quen comezaba o seu chamado #MiRetoConLaSobe2021 e un obxectivo en mente: perder peso.

Traballo online froito do contacto aberto entre ambos por un un amigo en común, cúmprese agora o aniversario do devandito reto. O balance: 20 quilos menos que Carolina Sobe xa celebrou no seu perfil de Instagram (\carolinasobe) cunha foto na que lla ve radiante, o comentario «Feliz!» e os hastag #VivirLaVida e #Saúde, pois este último foi o seu principal obxectivo, máis aló da beleza, como dixo ela publicamente. Noel Pinín explica: «É verdade que non chegamos ao obxectivo final, a meta que nos habíamos marcado de 28 kilos. Faltan eses oito últimos que nos están dando un pouco máis que facer porque ao ser unha personaxe pública ten moitos eventos e moitos bolos e a veces non pode respetar a dieta con tanta continuidade como outra persoa. Ao final foron 20 kilos. Ela está contenta e feliz porque se encontra moito mellor non solo a nivel visual senón tamén de saúde, con máis enerxía, descansa mellor, ten máis ánimo, aparte de facer máis deporte. Con moi boas sensacións. Ela di que se encontra mellor ca nunca (pesaba 98 quilos cando comezou o reto) e que a xente se sorprende do que baixou. Eu tamén estou satisfeito, porque é unha paciente moi boa. Agora imos seguir, pero quizás máis pausado». López Pinín destaca a alegría da ‘Sobe': «Incluso cando non adelgazaba; dicíame ‘mira cari, para mí la báscula es lo de menos, me encuentro bien, la ropa me queda bien... ¡Me estoy quedando un pibón¡'. Traballar cunha persona tan positiva como Carolina para mín resultoume moi cómodo».

Ao seguir o «Reto coa Sobe», outras persoas animáronse tamén a adelgazar con Noel Pinín, di mencionando a dúas galegas, como Vanesa (perdeu 35 quilos) e outra moza lucense (22). Con Sobe «foi un proceso complicado, por tema hormonal. Ela non comía mal, solo tiña unha vida desorganizada, saltando comidas e comendo pouco. Foi comendo mellor co meu asesoramento online e incluso algunhas temporadas tendo que aumentar as calorías, para aumentarlle o metabolismo porque o corpo dela non respondía de forma cen por cen receptiva», comenta.

A súa clínica de Burela cumpre cinco anos e vai abrir en Viveiro

Este outubro, Noel López tamén celebra o quinto aniversario da súa clínica en Burela, ademais de estar a piques de abrir outro centro en Covas (Viveiro) e con intención de abrir outro «a curto-medio prazo». Conta con centro propio en Lugo e presta servizos en distintos puntos de Galicia e Asturias. O seu equipo complétano Bibiana Recalde e Rubén Fernández a nivel de dietistas, máis Elsa Pinín, a súa nai. Tal crecemento «débese a 12 anos que levo traballando, moverse moito e buscar a sorte porque nada cae do ceo, tamén pola nosa formación e polo apoio dos pacientes e ter unha actitude positiva», sinala.

---

---

---