O Peixes Rubén Burela xoga na cancha do Poio Pescamar o seu segundo partido amigable
BURELA / LA VOZ
A MariÑA
Dous dos mellores equipos da Primeira División feminina enfróntanse na Seca
30 sep 2020 . Actualizado ás 05:00 h.O Poio Pescamar e o Peixes Rubén Burela recibiron onte a pertinente autorización para disputar un encontro de preparación esta tarde en terras pontevedresas (A Seca, 20 horas).
Para o equipo adestrado por Julio Delgado e Lucas suporá unha esixente proba, pois se miden a outro dos equipos máis punteiros de Primeira, despois do seu contundente debut cun 2-7 ao Rodiles asturiano, de Segunda División.
As vixentes campioas de liga teñen programado o seu primeiro partido oficial para o sábado 10 de outubro. Afrontarán a volta das semifinais de Copa Galicia contra o Amarelle cunha cómoda vantaxe (1-10). Unha semana despois comezan a liga na pista do Ourense Envialia.