Primeiras protestas e asembleas ante a fábrica de Alcoa, en San Cibrao, para rexeitar o peche da planta de aluminio
A MariÑA
Á primeira hora houbo barricadas que cortaron o acceso á estrada da factoría e celebrouse a primeira reunión de traballadores, á que seguirán outras
30 may 2020 . Actualizado ás 00:06 h.As protestas polo peche da planta de aluminio da fábrica de Alcoa en San Cibrao anunciado este xoves pola dirección da multinacional non se fixeron agardar. Á primeira hora deste venres, na estrada de acceso á factoría houbo barricadas de lume que cortaron a circulación. Diversas fontes apuntan á que a mañá está a ser «unha auténtica locura» debido á crítica situación da empresa. Á unha da tarde comezou a primeira asemblea traballadores na que se analizaron, entre outros, as opcións que existen neste momento e posibles medidas de presión a adoptar, é dicir, preparar un calendario de mobilizacións.
No encontro lembrouse que o vindeiro mércores, 3 de xuño, haberá unha reunión vía telemática co Ministerio de Industria, na que o comité volverá reclamar un marco estable para o prezo da enerxía; o factor que ao seu xuízo está a provocar que a factoría, que leva catro décadas sendo o motor económico da Mariña, e por extensión da provincia de Lugo, teña a espada de Damocles amais . «O peche sería unha auténtica hecatome», explicó Xosé Paleo, portavoz de la CIG en el comité, que destacó todas las muestras de apoyo que han recibido a lo largo de la mañana desde todos los sectores de A Mariña. «Todo o mundo dáse conta do que significa esta fábrica, e da riqueza que xenera», continuou.
Entre os máis de 500 postos de traballo directo na planta de aluminio da fábrica de Alcoa , e outros tantos nas auxiliares, «estaríamos falando de case 1.000 postos de traballo que se están poñendo en tela de xuízo en breve», lembrou esta mañá Paleo. Na reunión á que foron convocados este xoves os sindicatos nun restaurante de Lugo, a empresa falou de dar un prazo de tres semanas para consultas «informais», antes de abrir as canles legais na presentación do ERE.
Unha vez exposto o expediente de regulación de emprego ao comité abriríase un período de consultas que dura un mes. Se non se chegase a un acordo nese tempo, ese período podería ter un prórroga de 15 días. Pero se nese mes se chegase a un acordo, non habería prórroga. Ao final pecharíase o asunto con acordo ou sen acordo. Eses son os prazos legais: un mes máis esa posible prórroga.
«Botando contas: tres semanas de consultas informais máis un mes de prazos legais..., bótalle como moito dous meses. Para agosto isto quéreno ter liquidado, se non antes», avanzou.
Alcoa achaca a situación ao baixo prezo do aluminio e especialmente ao alto prezo da enerxía. «Polos salarios non é porque os salarios son máis altos nas fábricas de Noruega. O problema é que non hai unha solución para o prezo da enerxía. Non a deu este Goberno nin a deron os anteriores. Non a deu ninguén, e por iso chegamos á situación na que estamos, cunha ameaza de peche», concluíu Paleo, que recoñece que o covid-19 veu a agravar o problema debido á redución do consumo.
Maroto asegura que o Goberno defenderá ao persoal da antiga Alcoa
A ministra apunta que se está traballando con todas as partes implicadas na venda para coñecer os detalles
A ministra de Industria, Comercio e Turismo, Reyes Maroto, asegurou este venres que o Goberno vai defender ao persoal das antigas plantas de Alcoa en Avilés e A Coruña, agora en mans de Grupo Risco tras a súa adquisición ao fondo suízo Parter, segundo informa Efe. Nunha entrevista na Cope, a ministra admitiu a preocupación pola decisión de Parter, que adquirira as plantas a Alcoa o pasado verán, de vender as instalacións ao Grupo Risco. A este respecto, explicou que se está traballando con todas as partes implicadas na venda para coñecer os detalles. Hai moitas dúbidas, recoñeceu, pero os traballadores saben que van defenderlles, engadiu.
Respecto da factoría de Alcoa en San Cibrao, Maroto lembrou que a planta non se vai a pechar, pero si se reducirá a capacidade produtiva da planta de aluminio primario. Maroto pediu «corresponsabilidade» á empresa propietaria, coa que hai aberta unha mesa de negociación, e lembrou que nos últimos anos investíronse nesa planta 38 millóns de euros «coa condición de manter o emprego».
