O BNG contacta coa edila socialista de Barreiros para sondar o seu apoio
A MariÑA
Reuniranse mañá ás cinco da tarde en San Cosme, con delegacións de ambos os partidos
09 jun 2019 . Actualizado ás 21:50 h.Co futuro do goberno municipal de Barreiros no aire, foi onte o BNG quen deu o paso de contactar coa concelleira do PSOE, Mari Carmen Veiga, para sondar o seu apoio. Chamouna Ana Ermida, líder do partido máis votado, e quedaron en celebrar unha reunión mañá ás cinco da tarde, no centro sociocultural Manuel Díaz Sampedro, en San Cosme. O BNG presentase o seu proxecto de goberno e propuxo que sexa unha reunión de delegacións, de modo que ademais de Ana Ermida, pola súa banda acudirán Belén Fernández, Xoan Manuel Díaz e Suso Díaz. «Non temos que andar ás agochadas. As veciñas e veciños decidiron que ou BNG gobernase e nós comprometémonos a facelo con transparencia. Se para poder gobernar temos que falar con alguén, tamén ou imos facer con transparencia», manifestaron desde o BNG.