O Viveiro rozou o triunfo a pesar de xogar case unha hora en inferioridade
A MariÑA
Xaime lanzou unha falta ao poste no desconto
15 oct 2018 . Actualizado ás 05:00 h.O Viveiro gañou un punto e mereceu tres a pesar de xogar con só 10 homes durante case unha hora na súa visita ao Atlético Coruña Montañeiros. Iván Rodríguez viu a vermella directa no minuto 30, tras revolverse ao recibir un plantillazo dun rival. Pero os celestes, que xa perdían entón 1-0, sacaron o seu orgullo e fútbol para defender a boa dinámica -encadeaban catro vitorias- que os achegou aos postos de privilexio.
Pouco despois da expulsión, Arturo, que regresaba ao once incial tras varios partidos no banco, empatou o partido ao definir ante Ramón un bo pase ao espazo de Vicente. E os mariñáns non se conformaron con ese tanto. As mellores opcións da segunda parte foron súas. A remontada puido consumarse nunha acción de Aitorín, que regateou ao porteiro, pero un defensor coruñés evitou o gol baixo paus. E xa no desconto, cando as forzas numéricas igualáronse ao ver Juan Carlos a segunda amarela, Xaime rozou o tanto definitivo. Un libre directo do mediocentro viveirista desde a frontal da área superou á barreira, pero estrelouse no poste.
Montañeiros: Ramón; Raúl Añón (Élmer, min. 56), Pablo Vigo (Hugo Criado, min. 65), Charly, Sebastián, Moure (Escarda, min. 46), Pablo, Juan Carlos, Toscanini, Kevin e Santiso (Javi Suso, min. 46).
Viveiro: Kiko; Agus (Álex Paz, min. 77), Pablo Louzao, Roi, Uriol, Iván Rodríguez, Álex Meitín, Xaime, Arturo (Aitor, min. 67), Vicente e Marino .
Goles: 1-0, min. 15: Toscanini. 1-1, min. 42: Arturo.
Árbitro: Calviño Pensado (Santiago). Expulsou con vermella directa aos viveiristas Iván Rodríguez (min. 30) e ao segundo adestrador Bebo, e con dobre amarela ao local Juan Carlos. Amoestou aos locais Pablo Vigo, Kevin, Moure, Toscanini, Pablo, Javi Suso e Hugo Criado, e a Arturo, Marino , Pablo Louzao e Álex Paz.
Incidencias: A Grela.