Está a dez goles de igualar o seu mellor marca en Primeira (129) e na penúltima xornada visita ao vulnerable Guadalcacín
26 may 2018 . Actualizado ás 05:00 h.O equipo feminino do Peixes Rubén-Burela necesita un milagre para non dicir definitivamente adeus ao título esta tarde. Só acadaría a xornada final con opcións de reconquistar a liga se non gañan ningún dos dous equipos que encabezan a clasificación: o Atlético de Madrid, que xoga en casa ante o Móstoles, e o Universidade de Alacante, que recibe ao Poio Pescamar. Pero a falta de posibilidades de ser campión, bo é unha marca como estímulo para render visita ao Guadalcacín (18.00 horas) e como reconstituyente para o último desafío da tempada: a Copa de España que se celebrará en Cádiz do 8 ao 10 de xuño.
O rival gaditano parece perfecto para que as burelistas, con 119 goles no seu haber, acudan ao seu último partido do campionato en boa disposición para bater o mellor rexistro realizador do club en Primeira División, que data da campaña 2013-2014 e é de 129 tantos. O Peixes Rubén-Burela xa vencera por 7-1 na primeira volta ao Guadalcacín, que encara o compromiso coa permanencia a recado e como o terceiro equipo máis goleado do grupo, con 116 tantos en contra, por detrás da xa descendido Cádiz (157) e as ourensás do Cidade das Burgas, que suman 133.