O exfiscal xeral do Estado e o xurista estiveron en Navia con estudantes
19 abr 2018 . Actualizado ás 05:00 h.As actividades do Foro de Comunicación e Escola de Vegadeo continúan achegando á comarca a personalidades de alto nivel. Primeiro foi, a pasada semana o director do Museo do Prado e onte ata a Casa de Cultura veigueña achegáronse o ex Fiscal Xeral do Estado, Eduardo Torres ?Dulce , e o xurista Antonio Garrigues, presidente da fundación Garrigues.
Ambos disertaron durante un par de horas ante alumnos do Instituto de Navia das necesidades actuais de ámbitos como a xustiza ou a política.
Eduardo Torres ?Dulce destacou ante os medios de comunicación a importancia de respectar a independencia das decisións de todos os tribunais. «Sen crer na lexitimidade de todas as institucións e sen unha separación de poderes, é moi difícil poder dicir que estamos a vivir nunha democracia», asegurou Torres?Dulce onte pola mañá na súa visita ao Occidente astur. Dio nun momento no que o Tribunal Supremo cuestiona a postura da xustiza alemá en relación á extradición do ex presidente da Generalitad, Carles Puigdemont.
Os Foros de Comunicación e Escola de Vegadeo son xa unha referencia na zona aos que asisten personalidades coñecidas en todos os campos, desde Vicente del Bosque, a escritores e políticos, como Miguel Ángel Revilla, que tamén asistirá.