Pídeche uns calcetíns
O MELLOR AGASALLO que poden facerche este Nadal son uns? ¡calcetíns! Esquéceche do seu papel de segundoxénitos e de escondelos debaixo dos pantalóns. Agora ensínanse, lócense e presúmese deles.
Querido Papá Noel, este ano fun moi boa e só che pido uns ¡calcetíns! Porque o agasallo máis socorrido do Nadal (que levante a man quen non agarda a estas datas para renovar o seu caixón de roupa interior e pixamas) é tamén o máis trendy. Maltratados durante anos a lavados de auga quente e relegados a vivir sen luz no fondo dun armario, os calcetíns reivindícanse como o complemento máis cool. E aquí hai para todos os gustos. Porque o calcetín é como un lenzo en branco para deixar voar a imaxinación. O primeiro síntoma do seu éxito é a adoración que senten por eles os grandes deseñadores. Ter o teu propio calcetín mola. Gucci, Givenchy, Balenciaga ou Prada sábeno ben. Calcetíns de luxo que, nalgúns casos, poden chegar aos 300 euros. Se ata Rihanna sumouse á festa de vestirse polos pés cunha colección moi do Nadal coa marca de Stance.
TIPO FUTBOLISTA
Bastante altos, moi futboleiros, ensínanse e presúmese deles nos looks. Os favoritos: os deportivos con mensaxes. Se tes espírito do Nadal, seguro que ademais do teu «ugly sweater» quererás os teus calcetíns feos: canto máis charramangueiros e rechamantes mellor. De palito doce, renos ou con naves especiais. A clave é dar co calcetín que reflicta o lado máis divertido da túa personalidade. En Instagram presúmese moito deles. O posado de pés con calcetíns é o novo selfie. Así que avós e avoas do mundo, preparádevos porque este ano ides regalar calcetíns e non van acabar no fondo dun caixón.
1 Con mensaxe
Se tes algo que dicir, mellor facelo cuns calcetíns como estes, con frase incluída.
2 Para atrevidos
Quererás pórche calcetíns acotío e ata con sandalias de veludo.
3 De foto
Se queres un bodegón do Nadal, pon uns calcetíns na túa vida como a bloguera Olivia Kijo.
4 Deportivos
Do ximnasio aos looks de rúa. Os calcetíns brancos, como estes de Zara, combinan con todo.
5 Do Nadal
Esta colección de Happy Socks é perfecta para combinar co teu xersei feo de Nadal.
6 De luxo
Gucci é un dos culpables de que queiramos ensinar calcetín acotío.
7 Para soñadores
Con estrelas e naves espaciais. Estes calcetíns de Pull&Bear vanse directos á nosa «wishlist».
Comentarios