Publicidade
Publicidade

O lanzamento de Firefox Quantum e a dispoñibilidade de versións de Microsoft Edge para sistemas móbiles Android e iOS abren un novo capítulo nunha longa contenda que parecían ter gañado Google e o seu popular Chrome, tan prestixioso como cuestionado polo seu consumo de recursos.

Carlos Pereiro

Os expertos en videoxogos de REDE seleccionan os oito mellores títulos que foron lanzados no 2017. Neste ránking primou a orixinalidade e calidade das propostas, ademais da súa repercusión mediática. Elixíronse creacións de distintos xéneros para que prime a variedade nesta lista, deixando outros grandes xogos no tinteiro. ¡Tócache a ti gozar destas aventuras inesquecibles!

Estalou a ciberguerra. A xeopolítica cambiou e Internet é o novo «Gran Xogo» das potencias. Todos os Estados intentan saber que fan os demais. O hacker ou «troll» ruso interferindo na elección de Trump, o Brexit ou Cataluña xa forma parte da cultura popular pero ¿hai probas? ¿Quen está detrás destas inxerencias? Un experto conclúe: «Non o imos a saber nin ti nin eu».

Aínda hai persoas que fan o cambio a pesetas para grandes cantidades de diñeiro, cando xa temos unha nova moeda en circulación: o bitcoin. Unha destas moedas virtuais xeradas en Internet e que non precisa de intermediarios xa vale máis de 10.000 dólares. Algúns se lanzaron sobre ela para facerse millonarios e outros temen que sexa unha nova burbulla. Bitcoin atrae a atención de todos.

Publicidade

Netflix

En pleno proceso de expansión do seu catálogo internacional, Netflix asina un contrato de exclusividade con Youku, o YouTube filial de Alibaba, para distribuír a súa primeira serie chinesa, «Día e noite».

Non se ve a primeira ollada, pero a Terra está rodeada por unha espesa nube de chatarra formada por millóns de pezas de foguetes e naves que se han desintegrado no espazo e de satélites en desuso. Vagan descontroladamente e son un auténtico perigo para os satélites. Os enxeñeiros buscan solucións.

Internet e a cultura dixital xeraron un novo modelo de economía baseada no «prosumidor». Practicamente todos somos prosumidores, pois somos consumidores e produtores á vez cando colgamos unha foto en Facebook ou Instagram. Os autores debaten agora sobre si a audiencia que traballa gratis debe cobrar algo.

Hai moita vida en «Star Wars» máis aló das películas. Desde os anos 80 Lucasfilm preocupouse por crear e inspirar grandes videoxogos. O último, «Battlefront 2», é un título con gráficos espectaculares e unha historia atractiva que tamén foi polémico por incorporar micropagos por progresos e melloras.

Publicidade

Medir as balas, apuntar á cabeza e ter paciencia. Tres consellos para entrar en Union, a cidade virtual poboada de monstros á que o detective Casteláns irá en busca da filla que cría morta. ¿Conseguirá sobrevivir ao seu pesadelo máis real?

Pikachu e compañía cítanse en Nintendo Switch para ofrecernos un xogo de loita que rompe totalmente coas mecánicas habituais da saga de Pokémon. Con este título, Nintendo asóciase cos creadores de Tekken, dando como resultado frenéticos combates cheos de combos e movementos únicos.

En 1997, 70 millóns de usuarios tiñan á súa disposición pouco máis dun millón de webs dispoñibles. Dez anos despois, os números multiplicáronse exponencialmente. O escenario cambiou por completo e con el, a forma de navegar por Internet. Hai vida antes de Chrome e moito máis larga do que pensas.

Publicidade
Publicidade
Publicidade
Publicidade
Publicidade
Publicidade