Chega a cuarta proba do Campionato Galego de Ralis de Asfalto con Víctor Senra como rival a bater
18 jun 2017 . Actualizado ás 23:36 h.Víctor Senra afianza aínda máis o seu liderado á fronte do Campionato Galego de Ralis de Asfalto ao imporse con autoridade no proba de Narón. Ao longo de 130 quilómetros o piloto de Dumbría controlou os tempos e unha carreira, accidentada sobre todo na xornada matutina. Nada máis comezar, Iago Silva tivo que abandonar a proba tras un accidente que a punto estivo de causar unha desgraza ao chocar contra unha casa. Por fortuna, ninguén sufriu danos persoais.
Pola súa banda, Alberto Meira, que sufriu unha picada que lle derivou á sétima praza, soubo defender o seu posto no podio con dous scratch no tramo de Vilachave que lles serviron para acadar a terceira praza. En segundo lugar, Iago Silva, mantívose en segundo lugar tras unha carreira moi seria.
Tras unha xornada vibrante de motor en Narón, rememoramos as mellores imaxes dunha xornada na que houbo de todo: éxitos, fracasos, sorpresas pero sobre todo moita paixón polo motor.
Acábase o Rali de Narón e así queda o podio:
- Víctor Senra 1h17:02.831
- Iago Caamaño 1h18:28.795 +1:25.964
- Alberto Meira 1h22:22.819 +5:19.988
Consulta aquí a clasificación xeral e o resto de copas disputadas.
O piloto de Dumbría rematou o último tramo dominando como o fixo ao longo de toda a xornada. Así quedaron os tres primeiros no tramo das Forcadas:
- Víctor Senra 10:31.683
- Iago Caamaño 10:42.200 +10.517
- Alberto Meira 11:14.331 +42.648
A segunda pasada do tramo das Forcadas porá o punto e final ás 30º edición do Rali de Narón, co podio practicamente decidido e no que Víctor Senra se afianzará, un pouco máis, no liderado do campionato galego.
Este é o tramo que terán que percorrer os pilotos (16,2 kms)
O piloto de Amf Sport volveu a marcar o mellor tempo. Fíxoo na primeira pasada cun tempo de 7:28.433 e agora volveuno a repetir cun crono 7:33.040. A un segundo e medio do piloto de Vincios chegou o líder, Víctor Senra cun tempo de 7:34.639. En terceiro lugar, Iago Caamaño cun tempo de 7:40.269.
A pesar do scratch, Alberto Meira ten moi complicado subir un chanzo máis no podio. Así está a xeral.
- Víctor Senra 1h06:31.148
- Iago Caamaño 1h07:46.595 +1:15.447
- Alberto Meira 1h11:08.488 +4:37.340
Circulan xa polo tramo de Vilachave os pilotos. Este tramo, a priori, de 16,4 quilómetros, foi recortado a 12 quilómetros, debido á morte dun veciño da zona, como mostra de respecto á familia e para evitar tamén que outro tramo fose neutralizado.
O penúltimo tramo da proba corresponde coa segunda pasada de Vilachave. Queres sentirche dentro dun coche? Así é como se vive desde dentro:
Facemos un repaso á clasificación das distintas Copas que se disputan nesta 30º edición do Rali de Narón:
Top Ten Pirelli-Castro
- Alberto López Belón 1h03:50.755
- José Manuel Lista 1h04:06.671
- Jorge Pérez 1h04:43.340
Volante FGA
- Manuel Souto Paderne 1h05:07.607
- Rubén Gandoy Piñeiro 1h05:35.882
- Álvaro Pérez Abeijón 1h05:47.571
Pirelli AMF
- Antonio López Lence 1h05:36.829
- Marcos Maceiras Guimarey 1h06:59.588
- Heriberto Atán Lestón 1h08:03.189
Poucos minutos para que de comezo o penúltimo tramo da proba e sol segue sendo de xustiza. Aínda así, a calor non impide aos afeccionados aguantar durante horas por ver o espectáculo.
Subimos ao coche do líder do Campionato Galego de Asfalto e percorremos con el o tramo de Ferreira. Unhas imaxes espectaculares que non che podes perder.
O líder do Campionato Galego de Asfalto volveu a marcar o mellor tempo no segundo tramo da tarde cun 10:24.88. Por detrás Alberto Meira que con este tempo se volve a meter en postos de podio tras a picada sufrida pola mañá. O de Vincios, cun 10.30.327 quedou a +5.446 do líder.
Iago Caamaño foi terceiro cun tempo de 10:38.772, a +13.891 do primeiro.
Así quedou a clasificación xeral:
- Víctor Senra 58:56.509
- Iago Caamaño 1h00:06.326 +1:09.817
- Alberto Meira 1h03:35.448 +4:38.939
- Alberto López Belón 1h03:50.755 +4:54.246
- Daniel Dopico 1h03:55.722 +4:59.213
- José Manuel Lista 1h04:06.671 +5:10.162
- Jorge Pérez 1h04:43.340 +5:46.831
- Pablo Rey 1h06:08.303 +7:11.794
- Celestino Iglesias 1h06:08.762 +7:12.253
- David Grandal 1h10:16.962 +11:20.453
Segue o tramo D1 desde un dos puntos máis espectaculares. Desde a parte final, unha vez pasado a ponte do encoro das Forcadas.
Ás 17.40 está prevista a saída do tramo D1 en Vilaboa. Aperta o sol pero o público busca calquera remedio para refuxiarse.
O piloto de Vincios non se dá por vencido e arrinca a tarde marcando o mellor tempo (7.28.433). En segundo lugar Víctor Senra quedou moi preto, a catro décimas, do primeiro clasificado, cun tempo de 7.28.858. Iago Caamaño foi terceiro a once segundos do Meira, cun tempo de 7.39.690, a 11.257.
Así quedou a clasificación do tramo:
- Alberto Meira 7:28.433
- Víctor Senra 7:28.858 +0.425
- Iago Caamaño 7:39.690 +11.257
- Alberto López Belón 7:45.368 +16.935
- Daniel Dopico 7:58.017 +29.584
- César Gonzalves 8:01.550 +33.117
- José Manuel Lista 8:02.388 +33.955
- Jorge Pérez 8:04.249 +35.816
- David Grandal 8:07.775 +39.342
- Adrián Gil 8:17.390 +48.957
Todo a punto en Vilachave para o paso dos pilotos.
Apenas dous minutos para que se renove a carreira. Os pilotos percorrerán 12 quilómetros, tras ser recortado o tramo en catro. Así será o seu percorrido:
As altas temperaturas non son un problema para os afeccionados que queren presencialo. Faltan poucos minutos para que comece e o público xa vai collendo sitio a pleno sol.
O tramo de Vilachave, o primeiro co que os pilotos encararán a xornada vespertina, foi acurtado nos últimos catro quilómetros a meta. O motivo é a morte dun veciño da zona e por respecto á familia e para non neutralizar un tramo máis, a organización acordou esta decisión.
O vehículo con dorsal 96 pilotado por Elvis Casal e Javier Ramudo sufriu unha saída de vía 50 metros despois de partir no segundo tramo. Ata o punto do accidente acudiu a ambulancia como medida de precaución, aínda que tanto piloto como copiloto se atopan en bo estado.
Sobre a causa do accidente barállase a posibilidade de que o vehículo teña virado levemente cara á esquerda cando tiña que facelo cara á dereita.
Facemos un repaso á clasificación das distintas Copas que se disputan nesta 30º edición do Rali de Narón:
Top Ten Pirelli-Castro
- José Manuel Lista 44:59.611
- Alberto López Belón 45:01.881
- Jorge Pérez 45:12.515
Volante FGA
- Manuel Souto Paderne 45:25.530
- Álvaro Pérez Abeijón 45:42.271
- Rubén Gandoy Piñeiro 45:48.462
Pirelli AMF
- Antonio López Lence 45:49.450
- Marcos Maceiras Guimarey 46:44.123
- Iago Blanco Casas 47:00.382
O Porsche 911 de Iago Silva estrelouse nun recta do segundo tramo e a punto estivo de causar unha desgraza nunha vivenda. Por fortuna non houbo danos persoais, e así o relatan as testemuñas e o propio piloto.
Finalizadas as seccións 2 e 3 correspondentes ás dobres pasadas en Ferreira e Cerdido, os pilotos tómanse un descanso para afrontar as seccións da tarde.
A carreira comezará de novo ás 17.00 horas co tramos de Vilachave. Por diante 16,430 kms nos que Víctor Senra deberá defender o primeiro posto e os 45 segundos de vantaxe sobre Iago Caamaño, segundo clasificado. Así será o tramo que terán que percorrer:
De novo scratch para Víctor Senra que segue dominando o Rali de Narón. A sorpresa haa dado Alberto Meira, que caeu ata a sétima praza na xeral tras perder máis de minuto e medio sobre o líder neste último tramo despois de sufrir unha picada. Así queda a clasificación
- Víctor Senra 41:02.770
- Iago Caamaño 41:47.864 +45.094
- Daniel Dopico 44:53.886 +3:51.116
- José Manuel Lista 44:59.611 +3:56.841
- Alberto López 45:01.881 +3:59.111
- Jorge Pérez Oliveira 45:12.515 +4:09.745
- Alberto Meira 45:36.688 +4:33.918
- Pedro Castro 45:36.696 +4:33.926
- Pablo Rey 46:04.833 +5:02.063
- Celestino Iglesias 46:05.009 +5:02.239
Segunda pasada de Cerdido, en directo:
Rodando xa os pilotos na última proba da xornada matutina, coa segunda pasada en Cerdido. Por diante 16,480 quilómetros no que veremos se Senra volve marcar o mellor tempo. Se queres facerche unha idea de como é o tramo, aquí mostrámoscho:
- Víctor Senra 30:55.016
- Iago Caamaño 31:33.972 +38.956
- Alberto Meira 31:35.833 +40.817
- Daniel Dopico 33:53.385 +2:58.369
- Dvid Grandal 34:01.992 +3:06.976
- José Manuel Lista 34:06.175 +3:11.159
- Alberto López 34:13.248 +3:18.232
- Daniel Berdomás 34:14.417 +3:19.401
- Jorge Pérez Oliveira 34:17.950 +3:22.934
- Manuel Souto 34:20.214 +3:25.198
- César Gonzalves 34:21.513 +3:26.497
- Adrián Gil 34:35.219 +3:40.203
Un pouquiño máis líder en cada tramo o piloto de Dumbría, fixo un tempo de 9:54.468. Seguido de Alberto Meira cun tempo de 10.00.646 a +6.178. Iago Caamaño marcou o terceiro mellor tempo con 10.00.652 a +6.184.
Así valoraron os pilotos a segunda pasada de Ferreira:
En marcha xa a segunda pasada por Ferreira tras dous tramos bastante accidentados. Todos os pilotos coinciden en que nesta ocasión o tramo está moito máis sucio e con iso elévase o perigo de picar e perder vantaxe na xeral.
Accidente no tramo de Cerdido. O copiloto de Borja Fuentes Diego Rosende, ferido nun accidente entre A Rincha e Chao, no tramo de Cerdido.
O coche 105 da escuadra Scratch Fene pilotado por Eliseo Otero e Alejandro Mechoso á súa chegada ao control stop de Cerdido. Non pinta moi ben a súa continuidade na carreira.
Un matrimonio da zona de Cerdido viuse afectado polo Rali. Mentres presenciaban a carreira nunha zona segura viron como un dos pilotos chocaba contra o seu coche sen carné causándolle importantes danos. Con todo, iso non lles privou de seguir presenciando a intensa xornada de motor que se disputa hoxe en Narón.
Non puideron cumprir o seu soño, nin competir no único coche comandado por mulleres. Ruth Ortega e Andre Fidalgo non puideron tomar finalmente a saída no Rali de Narón por problemas técnicos no seu coche durante esta noite.
E así está a clasificación xeral:
- José Manuel Lista 23.16.387
- Jorge Pérez Oliveira 23.25.548
- Pedro Castro 23:30.347
Scracht para Daniel Berdomás en Cerdido cun tempo de 10.57.596 seguido de Manuel Souto Paderne cun crono de 11.01.891 e terceiro Rubén Gandoy conn un tempo de 11.06.247. Así está a xeral:
- Daniel Berdomás 23.25.788
- Manuel SoutoPaderna 23.29.938
- Rubén Gandoy 23.33.232
O piloto de Dumbría volveu a marcar o mellor tempo no segundo tramo da xornada con 9.56.832. Por detrás Alberto Meira cun tempo de 10.12.624 e Iago Caamaño terceiro con 10.16.416.
Así está a xeral antes das segundas pasadas aos tramos de Ferreira e Cerdido:
- Víctor Senra 21.00.548
- Iago Caamaño 21.33.320 +32.772
- Alberto Meira 21.35.187 +34.639
- Daniel Dopico 23.07.443 +2.06.895
- José Manuel Lista 23.16.387 +2.15.839
- Jorge Pérez Oliveira 23.25.548 +2.25.000
- Daniel Berdomás 23.25.788 +2.25.240
- Manuel Souto 23.29.938 +2.29.390
A Luis e Marina aínda lle tremen as pernas. Viven na casa contra a que a punto estivo de encaixarse Iago Silva, «se non é pola columna e o poste métese en casa», dixo a parella.
A nota curiosa do ocorrido a Iago Silva ofrecérono as súas auriculares. Tras o accidente voaron todo o máis alto, e acabaron colgados en.... mellor veanlo. Admítense propostas para atrapalos...
Moi desanimados. Leste era o estado de ánimo de Iago Silva e do seu copiloto Diego Grande, despois do accidente no segundo tramo da proba. Sen ganas de exporse nada, o piloto da escuadra Barbadás expúñase a retirada do campionato galego.
Estas foron as primeiras palabras de Iago Silva tras sufrir un accidente e valorar o estado no que quedou o seu Porsche 911 GT3 2008.
Unha avaría provocou un colapso no tramo e obrigou a dirección de carreira a neutralizalo.
O tramo de Cerdido xa está en carreira. 16,480 quilómetros de asfalto e adrenalina ata chegar a meta. Segue a proba en directo aquí:
Esta é a premisa coa que quere arrincar a xornada Alberto Meira. O piloto de AMF Sport cometeu un trompo no tramo espectáculo e hoxe non quere cometer erros. Estas son as valoracións do piloto de Vincios tras o tramo de Ferreira.
O piloto de Dumbría e líder do galego xa quixo empezar a proba mandando e marcou o mellor tempo neste primeiro tramo cun crono de 9,48,074. Seis segundos por detrás Alberto Meira, cun tempo de 9,54,778.
En terceiro lugar, Iago Caamaño cun tempo 10,02,043, a 13,969 do líder.
Circulan os pilotos polo tramo de Ferreira, onde aínda hai pouco público instalado nas cunetas. Así é o control de saída do leste primeiro tramo da proba.
A piques de arrincar xa o primeiro tramo da xornada e que dará o pistoletazo de saída á loita por bater a Víctor Senra, os pilotos deberán percorren algo máis de 15 quilómetros neste primeiro tramo en Ferreira. Así será o seu percorrido.
A piques de arrincar unha xornada vibrante de motor coa disputa do Rali de Narón. Toda a información dos pilotos, de cada tramo desde agora e ata o punto e final da proba contarémoscho aquí.
Os máis madrugadores xa se fixeron un oco nas zonas privilexiadas dos tramos para non perderse detalle.
O Campionato Galego de Ralis de Asfalto vive a súa cuarta proba tras a suspensión do Rali de Vigo e faino con Víctor Senra como indiscutible líder na xeral ao imporse nas tres probas anteriores.
Un dos seus principais rivais será Alberto Meira, o vencedor da edición do pasado ano. Iago Caamaño e Iago Silva son outros dos grandes aspirantes a facerse co triunfo.
Os equipos participantes no Rali de Narón percorrerán un total de 368,590 quilómetros, dos que 130,540 corresponden a nove tramos cronometrados por estradas pechadas ao tráfico.