Non lle importaría seguir os pasos de India Martínez. Rocío Aguilar non vai por mal camiño. Hai unha semana que se proclamou gañadora de «La Voz Kids», e o vindeiro venres lanzará o seu primeiro disco, «Ti e eu». Antonio Orozco defínea como un anxo. ?
13 may 2017 . Actualizado ás 05:00 h.1 Xa o asimilaches?
Aínda non. Sigo como nunha nube.
2 Cantos autógrafos asinaches?
Alí na final veu unha nena cunha foto miña e púxoma por detrás para que lle asinase un autógrafo. Creo que foi o primeiro que asinei.
3 Vas gravar un disco con tan só 15 aniños...
Cumprín 15 hai só uns días e que mellor regalo que este, e poder ver a final acompañada da miña familia e gozala como o fixen.
4 Imos ao comezo do concurso. Tres segundos e vírase Antonio Orozco. Que viu? Porque case nin che escoitou...
El di que son como un anxo e que a miña voz emociona, e supoño que esa reacción que tivo de darlle ao botón tan rápido sería por iso.
5Fixeches pleno de «coaches». Tiñas claro a quen ías elixir?
Si, nunha reunión que tivemos xa nos dixeron os nomes dos coaches, e eu dixen: «Se teño a oportunidade de irme con Orozco, voume ir con el», porque tiña o presentimento de que me tiña que ir con el.
6 Por que elixiches un tema de Alejandro Sanz para a final?
Escolleuma Antonio Orozco xunto co meu vogal coach. Dicían que o que di a letra era máis ou menos o que me estaba pasando a min, que era como unha persoa tímida, introvertida, e que de súpeto cando sae ao escenario e ponse a cantar emociona á xente.
7 Din que tes un don para emocionar.
Iso é o que me di Orozco, e a verdade é que lle estou moi agradecida.
8 A túa nai tamén é artista?
Si, ten unha escola de baile flamenco en Cidade Real e leva un coro rociero ademais. É a que me ensinou todo.
9 Sempre quixeches seguir os seus pasos?
Si, desde chiquitina gustoume a música e agora que tiven a oportunidade de estar neste programa e chegar tan lonxe como cheguei, fixo que mo tome de xeito máis profesional á vez que sigo estudando.