ESTA É A miña XERACIÓN... Para os que roldamos a trintena, o da EGB sóanos divertido, pero un pouco vintage. Nós non forrabamos os cartafoles cos Pecos. As nosas eran tan picantes como as Spice Girls.
13 may 2017 . Actualizado ás 05:20 h.
1. Tamagotchi
UNHA MASCOTA VIRTUAL
Este pequeñajo advertía das súas necesidades vitais (ducha, enfermidade ou fame) a través duns asubíos estridentes. Foi unha revolución.
2. Euros
VIVIMOS O CAMBIO
Deixar de pagar en pesetas para facelo en euros colleunos xusto cando empezabamos a manexar solto para comprar chuches, por exemplo.
3. Nokia 3310
PRIMEIRO MÓBIL
A súa melodía (Nokia tune) e o xogo da serpe marcaron á primeira xeración que colleu o móbil axiña que. Agora volverá arrasar como artigo vintage.
4. Acabouse a cara B
DISCMAN, MP3
Descubrimos formatos novos: os cedés ou reprodutores onde non había que introducir contido como o MP3. Tamén experimentamos a mellora da calidade dos vídeos, grazas ao paso do VHS ao deuvedé.
5. Radical
BEBIDAS DE CORES
Máis aló da Fanta ou da Coca-Cola, os nenos da ESO bebiamos refrescos de cores radioactivas e con sabores diferentes aos que había ata ese momento, como kiwi ou froitas do bosque.
6. Spice Girls
DESATARON A TOLEMIA
O refrán pegadizo de «Wanna Be» fixo que todas quixésemos ser unha delas e que en cada cuadrilla houbese unha Gery, unha Victoria , unha Mel B, unha Mel C ou unha Emma. Cromos e fotos forraban os nosos cartafoles.
7. Moi trendy
CHOCKER E CARHARTT
Adiantamos a moda do chocker efecto tatoo e dos suadoiros de neopreno estilo canguro. Todos tiñamos unha Carhartt.
8. Hits da tele
COMPAÑEIROS E GRAND PRIX
Ningún preadolescente íase á cama sen ver a Quimi e compaña no colexio Azcona ou aos pobos máis emblemáticos de España loitando contra a vaquilla do «Grand Prix».
9. Harry Potter
A ORIXE DUNHA SAGA
As aventuras de Harry, Ron e Hermione engancharon aos nenos da ESO, que fomos testemuñas do lanzamento do primeiro libro dunha saga que xa leva sete entregas e que tamén conquistou a gran pantalla. Non esquezamos que tamén somos a xeración Disney. Crecemos coas súas pelis.
10. Tazos e gogos
UNHA DIVERSIÓN NO PATIO
Todos xogabamos a lanzar os tazos, unha especie de pequenos discos de plástico, para quedar cos do adversario. Tamén loitabamos por intercambiarnos os gogos.