A Tu ESQUERDAS ESTÁ O GAÑADOR... Pero non che agardes un musculitos, porque aquí gaña o atleta máis completo. A cousa está rifada. Péganse polos primeiros postos. Só na clasificación, porque o ambiente é moi san.
18 mares 2017 . Actualizado ás 21:01 h.Se consigo engancharche a esta páxina tanto como eles o están á actividade física, doume por satisfeita. Os seis protagonistas da foto da esquerda son os mellores do ximnasio, ese título tan desexado por algúns e ao alcance de moi poucos. Pero entre eles anda o xogo. Fagan as súas apostas. Unha pista, a cousa non vai de cachas.
Só hai que velos para darse conta de que estes mozos non están preocupados pola operación bikini, (creo que non saben nin cando empeza), porque o que lles sobra é forma. E por se lles faltase motivación, que tampouco, Ernesto, un dos monitores da Casa da auga da Coruña, púxolles diante o cebo perfecto: competir por ser o Mellor Atleta Termaria. Un reto que consta de seis probas de diferentes capacidades (forza máxima, forza explosiva, forza resistencia, resistencia aeróbica, axilidade e combinada) que se realizan ao longo de 9 meses.
Estamos a escasos días de que se celebre a terceira, e preguntámoslle a Luigi, o primeiro clasificado na táboa masculina, como o leva. «Ben». Dio un que traballa no corpo, no seu e no do Speis de Narón, imos que é bombeiro, e que aínda por riba compite en tríatlon case de xeito profesional. Algo de vantaxe ten. Fai un par de anos levou o título case pola gorra, o pasado non puido facer todas as probas por culpa da oposición, pero este pretende revalidalo. «Cada ano hai máis xente, e está mellor porque se nota que sobe o nivel. Deste xeito obrígome a adestrar habilidades que non levo tan ben, xa non é tan doado gañar todas as probas». Pero como explica Jimena, a súa homóloga no cadro feminino, non fai falta gañar todas senón puntuar porque o premio é á constancia. «Non me podo permitir un parón de tres semanas sen adestrar, podo ir alternando entre as actividades dirixidas ás que vou e a preparación das probas, pero non parar». Aos seus 22 anos, esta moza só agarda mellorar o terceiro posto que obtivo no 2016. «O meu obxectivo é superarme, porque non só compito contra os demais, tamén comigo mesma». Os seus amigos dinlle que está como unha cabra, pero ojito con meterse con ela que é capaz de levantar 105 quilos facendo unha sentadilla.
Os seis valoran o bo ambiente que hai entre os primeiros postos, e inciden en que se trata dun pique san. «Claro que che pica a espiral. Dis, mira leste, que aguanta iso, vouno superar. Pero sempre desde o bo rolo», comenta Adriano, que está empatado con Carlos no segundo posto. Cada dous meses teñen unha proba e así tamén teñen marxe suficiente para preparala e chegar en boas condicións. Uns mellor que outros, depende dos seus puntos fortes. «A min o que máis me custa é nadar ou correr, as de resistencia, tanto que cando toca algo fóra da rutina teño maniotas, pero aínda así notas que vas mellorando. En dous meses preparando unha proba, sobre todo, se non é o teu, notas un cambio total», explica Carlos.
UN MÍNIMO DE FORMA
Se tes dúbidas de se esta competición pode ser moi dura para ti ou crees que non darás bo nivel podes estar tranquilo, porque hai un test inicial que medirá se estás preparado ou non. «A cada persoa dáselle unha puntuación do 1 ao 5, e necesítase un mínimo (2.5) para competir e así evitar lesións ou problemas de saúde. A unha persoa con sobrepeso ou baixa forma non se lle recomenda», explica Ernesto de la Vega. Carlota (segunda clasificada) probou sorte no test para comprobar o seu nivel, enganchouse e continuou. «Son unha persoa constante, se me propoño algo o consigo». Está niso. Nunca antes había ir a un ximnasio ata que hai dous anos por motivos persoais apuntouse. Agora vai, se pode, todos os días. «Se non podo ir polo que sexa, fáltame algo, necesito adrenalina. Son unha persoa moi activa, así que acabo moi cansa e durmo moi ben».
Haberá premio para o mellor, pero con tanta cousa boa que lles achegan estas miniolimpiadas igual nin se acordan de ir buscalo. Se ves que estás en forma, corre a por el.