O alcalde afirma que os cambios se producirán a final de ano, cando cesamento o actual director
28 abr 2017 . Actualizado ás 18:51 h.Abel Caballero anunciou, antes da inauguración da exposición dedicada a Ánxel Huete, importantes cambios na concepción do Museo de Arte Contemporánea de Vigo. O alcalde sinalou que o Marco tiña xa o tempo suficiente como para que fose sometido a cambios. Aínda que non quixo desvelar por onde irían eses cambios, si engadiu que tiñan moitas ideas.
O rexedor olívico explicou que as modificacións no funcionamento deste centro cultural iranse realizando a partir da marcha do actual directo. Iñaki Martínez Antelo anunciou a principios deste ano que cesaría nas súas funcións no mes de novembro.
Abel Caballero non quixo contestar á pregunta de como se elixiría ao novo director. «Léanse os estatutos, eu sempre cumpro os estatutos», sentenciou o alcalde vigués.
Desde que Iñaki Martínez Antelo anunciou a súa saída do Marco hase producido un movemento no ámbito artístico galego e do resto de España a favor da continuidade da liña establecida neste centro desde a súa fundación fai quince anos.