O de Silleda perderase o resto de partidos desta tempada por unha pequena rotura periférica no seu tendón de Aquiles dereito. Carles Gil e Lux son dúbida para o partido do domingo
28 abr 2017 . Actualizado ás 17:28 h.O Deportivo prepárase para a final de Pamplona con tres futbolistas dos principais do persoal en dúbida. Carles Gil e Germán Lux sofren senllas sobrecargas musculares e están pendentes de evolución para participar no partido. É dicir, se se adestran con normalidade mañá, na última sesión previa ao choque, poderán xogar. Pola súa banda, Joselu someteuse a probas médicas esta mañá por culpa das molestias que sofre no tendón de Aquiles. E o parte médico non foi favorable: o de Silleda perderase o resto da tempada por unha pequena rotura periférica no tendón.
Con quen non poderá contar a defensa deportivista é co seu baluarte para a final de Pamplona. Sidnei, que foi sometido esta mañá a probas médicas para ditaminar o alcance exacto das molestias coas que acabou o encontro do pasado mércores ante o Madrid, padece unha lesión muscular de grao 1 no aductor medio da súa coxa esquerda. A partir de agora, o defensor inicia tratamento médico e de fisioterapia, con repouso deportivo. A súa ausencia será cuberta con toda probabilidade por Albentosa, quen xunto a Arribas formará o centro da zaga fronte a Osasuna .
Tamén Mosquera é baixa segura debido á lesión que padece. O Deportivo xogará o domingo ás doce da mañá contra o Osasuna no Sadar.