O técnico galo valorou o traballo do equipo na goleada de Riazor: «Non hai equipo a ou b»
27 abr 2017 . Actualizado ás 00:19 h.O adestrador do Real Madrid, Zinedine Zidane, recoñeceu que tras o 2-6 ante o Deportivo da Coruña é «difícil» dicirlle a un futbolista que «non vai xogar» o seguinte encontro. «quedo coa sensación de que todos os xogadores son importantes e demóstrano cada vez que teñen a oportunidade. Logo imos ver o sábado e o martes, porque a complicación é que logo teño que elixir e despois desta actuación é complicado dicirlle a un que non vai xogar o partido seguinte, pero todos entenden esta complicación», dixo.
En rolda de prensa, Zidane dixo que no caso do Real Madrid «non hai equipo b ou a» porque todos cando xogan fano «ben» e asumiu que o debate sobre a BBC vai durar ata o final da tempada. «Estamos todos xuntos no mesmo barco e xa está. Ata o final vai ser así, veremos o próximo ano», comentou o preparador do conxunto branco na sala de prensa de Riazor.
O técnico mostrouse «moi contento con todos» e destacou a James por «a súa actuación e goles» e dixo que «o de Isco » foi «tremendo», tamén o de Asensio. «O bo é que os que xogan menos están metidos. Fisicamente non se notou nada, ao contrario. Están moi ben e demóstrano. Queren xogar e logo a dificultade é para min. O grupo é fenomenal e están preparados para o reto final. Só quedan finais», declarou.