Tratarán os asuntos máis candentes da actualidade a través da música, a sátira e a crítica social
25 jul 2017 . Actualizado ás 05:00 h.A nova proposta de Telecinco chega da man dun dos seus rostros habituais. Jesús Vázquez presenta hoxe en prime time a primeira entrega deste novo formato que combina o humor, a música e a crítica social. Un programa protagonizado por un grupo de 12 concursantes famosos e catro apostas artísticas capitaneadas polos xuíces Santi Millán, Jorge Cadaval, Yolanda Ramos e Cristina Rodríguez. Os concursantes, Alyson Eckmann, Nagore Robles , Belinda Washington , Hugo Salazar, Rebeca Pous, Xavier Deltell, Carmen Alcayde, Corina Randazzo, Ken Appledorn, Javi Martín, Sergio Alcover e David Carrillo, actuarán caracterizados como personaxes moi coñecidos polo gran público interpretando grandes éxitos de onte e de hoxe.
Completarán cada equipo a actriz e monologuista Vivy Lin, o imitador e finalista de Got Talent 2 Ían Velacoracho, o finalista de La Voz 3 Álex Forriols e o músico e imitador Lupy. Todos eles subirán ao escenario co obxectivo de converterse nos favoritos das súas respectivas formacións de artistas para gañar en cada entrega un premio de 3.000 euros, que será doado a unha oenegué ou causa benéfica da súa elección.