Hoxe na 2 Bandas debateremos sobre o estado do sistema educativo e os aspectos máis polémicos da LOMCE
27 abr 2017 . Actualizado ás 12:35 h.Iago García en Zona Cero tráenos cifras horribles: 500 persoas foron detidas en España en 2016 por delitos contra os animais. Varias explotacións gandeiras foron detectadas sen cumprir os requisitos mínimos de salubridade. E centos de cans agardan a ser adoptados nos refuxios da nosa comunidade. É a cruel, e talvez silenciosa, realidade dos malos tratos animais que reflectirá a partir das 19:00 h. Abordámolo en directo con Olga Costa, presidenta da protectora de animais O Refuxio, de Cambados . En Área Restrinxida, apartado dedicado á divulgación, contámosche que é o que ocorre tras a detención dunha persoa por un delito: é a reseña policial.
Mércores, Sa Sa
O mércores toca falar de sanidade e esta semana intentaremos responder ás eternas preguntas sobre alimentación. Cal é o almorzo ideal?, que hai que cear?, hai alimentos que enganchan?, a froita antes ou despois? Sa Sa, a partir das 19.00 h daranos as claves dunha alimentación saudable intentando desmontar os falsos mitos que rematan converténdose en pautas que todos asumimos como regras a seguir.
A 2 Bandas: É esixente o sistema educativo?
Non pasaron nin catro anos e os aspectos máis polémicos da LOMCE están no dique seco. Non haberá reválidas. Non será necesario telo todo aprobado para pasar a Bacharelato. Poderase acceder con dúas materias suspensas, sempre que non sexan simultaneamente Lingua e Matemáticas. Poderá obterse o título da ESO cunha nota inferior a 5. Sen un pacto educativo á vista, hai quen mantén que unha maior benevolencia é positiva para reducir a elevada taxa de abandono escolar. Que non convén complicarllo máis aos alumnos. Por contra, hai quen defende que rebaixar tanto o nivel, ata non requirir nin dun aprobado, é contraproducente e contraviene a cultura do esforzo. Este xoves, na 2 Bandas, debatemos sobre o estado da nosa educación con Ana Sanclaudio, portavoz de CONFAPA e Isabel Fourz, xefa de estudos do Colexio Wirtz.