xogo de tronos

A corrupción, «trending topic»


O que pasou esta semana na política española podería servir de argumento para unha serie de televisión desas que tanto gustan, repleta de conspiracións, intrigas, e xiros inesperados de guion. Ten certa guasa que a sucesión de escándalos vinculados co PP destapouse xusto despois de que a Podemos se lle escacharrara o seu ridículo Tramabús. E tería moita máis graza o asunto si non fose porque a detención dun expresidente autonómico, a declaración xudicial da antiga lideresa do PP madrileño (Aguirre, a que nunca sabe nada) e os rexistros de empresas como OHL ou Indra (ollo, a que xestiona os nosos procesos electorais) descosen aínda máis as fráxiles estruturas que sosteñen o réxime democrático máis ou menos civilizado que temos en España.

Cada vez que a corrupción é trending topic acrecéntase o risco de que en España xurda un Trump, unha Le Pen ou algún outro caudillo que lle prometa á xente que o vai arranxar todo con tres ocorrencias e catro medidas drásticas irracionais. É dicir, que lle prometa o imposible, sedúzao e engáneo outra vez. Frases como «son as eleccións do pobo contra o establishment» (dita estes días polo líder laborista británico Corbyn) soan ben, pero teñen truco. Cando se produce un terremoto político non só leva por diante o malo, senón que tamén arrasa co positivo, e coa estabilidade. Un exemplo, cando en Italia caeu o sistema corrupto do pentapartido, abriron a porta ao comezo de éraa Berlusconi. Pasaron de Guatemala a...

Votación
19 votos
Etiquetas