A muller entrou rompendo unha fiestra no domicilio do seu exesposo
26 jul 2017 . Actualizado ás 19:01 h.Unha muller de 34 anos foi detida no Xapón por ter destruído 54 violíns e 70 arcos de violín que pertencían ao seu exmarido. A vítima reclama a indemnización por uns desfeita por un valor total estimado en 950.000 dólares, segundo indicou este mércores a policía. No momento dos feitos, a parella estaba en proceso de divorcio.
Midori Kawamiya irrompeu de forma ilícita no domicilio do que foi o seu marido no centro do Xapón, «rompendo unha fiestra, nunha data indeterminada entre o 30 de xaneiro e o 19 de febreiro de 2014», dixo un portavoz policial. «A vítima reclama unha indemnización de 105,9 millóns de iens (950.000 dólares, 815.000 euros)», precisou. Entre os violíns destruídos, atopábase un instrumento italiano dun valor de 50 millóns de iens, formaban parte da colección da súa exmarido, un home noruegués de 60 anos.
Segundo o duario Yomiuri, a sospeitosa é de nacionalidade chinesa. Efectuou numerosas idas e voltas entre Xapón e China despois da súa acción, e foi detida o martes ao seu regreso a Tokio, precisou a axencia de prensa Kyodo.