Destinará a esta actividade algo máis de 170.000 euros
22 abr 2017 . Actualizado ás 05:00 h.O Concello de Teo mantén aberto o proceso de licitación do contrato do servizo de campamentos de verán do mes de agosto. O orzamento máximo previsto polo Concello é de 174.600 euros, xa que a vixencia do mesmo será de dous anos.
As bases de contratación prevén 168 prazas, repartidas en función das idades dos potenciais beneficiarios. Para nenos de entre 7 e 11 anos resérvanse 98 estancias, ás que se suman cinco para casos recoñecidos como de urxencia social. O campamento xuvenil será para 60 mozos de entre 12 e 17 anos e cinco máis tamén para situacións especiais.
Entre as esixencias recollidas nas bases destácase a sede do campamento debe estar a unha distancia máxima de dous quilómetros do mar e con programas de lecer educativo.