Premiadas 188 empresas por potenciar a calidade turística nas Rías Baixas

m. outeiro PONTEVEDRA / LA VOZ

VILABOA

A sede da Deputación acolleu onte a entrega dos diplomas acreditativos

25 mares 2015 . Actualizado ás 05:00 h.

A Deputación premia a 188 empresas polo seu compromiso coa calidade turística no destino Rías Baixas co distintivo do Sistema Integral de Calidade Turística (Sicted). Este galardón pon de manifesto o esforzo, traballo e dedicación das empresas pontevedresas na procura da excelencia turística.

Na sede da Deputación, reuníronse onte para recibir os seus diplomas os representantes das 188 empresas que recibiron o distintivo desde o 2005. No acto, impuxéronse 48 novos galardóns e renováronse os diplomas dos 140 premiados de edicións anteriores. Os condecorados pertencen a distintas categorías turísticas que van desde as empresas de aloxamento, ás de transporte, gastronomía, axencias, comercios, museos, praias ou servizos de saúde.

O bo facer destas empresas colocaron ás Rías Baixas como o sexto destino turístico nacional e segundo galego, só superado por Santiago. No 2014, a provincia recibiu máis dun millón de turistas e xerou 53.213 postos de traballo, un 4,3% máis que no 2013.

Na comarca de Pontevedra foron recoñecidas ata 33 establecementos, dos cales 18 atópanse no municipio de Pontevedra, seis en Poio, catro en Vilaboa, dous en Campo Lameiro, outros dous en Soutomaior e un en Barro. Así mesmo, tres empresas da comarca do Umia, de Caldas, Valga e Moraña, tamén recibiron o seu diploma.

A validez destes galardóns é de dous anos e distingue ao establecemento que o posúe da competencia. A potenciar a calidade do servizo turístico está dirixida a campaña Smart Destinos centrada en engadir valor e riqueza ao turismo nas Rías Baixas.