A EOXI de Pontevedra e O Sanés fixo público hoxe o balance da actividade asistencial do primeiro semestre
21 jul 2017 . Actualizado ás 16:19 h.Os tres hospitais da EOXI de Pontevedra e O Salnés mantéñense como os mellores do sistema sanitario público de Galicia para operarse en canto ao tempo de espera. No Complexo Hospitalario Universitario de Pontevedra (Chop), que forman Montecelo e o Provincial, a demora media para unha intervención cirúrxica é de 33 días, mentres que no hospital comarcal do Salnés é de 36,5. No conxunto da comunidade é de 62,2 xornadas. Na área sanitaria a lista de espera redúcese nos casos máis graves, sendo a demora media da cirurxía de prioridade 1 de 6,9 xornadas, 23 días por baixo do obxectivo fixado polo Sergas. Por especialidades, nas que se opera con menor atraso son Dermatoloxía (18,8 días), Ginecología (20,8), Cirurxía Vascular (28,7) e Oftalmoloxía e Urología (29,3).