Os axentes da Policía Local observaron como un viandante detiña a un motorista e leste entregáballe a droga a cambio de diñeiro
26 jul 2017 . Actualizado ás 13:31 h.Un motorista foi cazado in fraganti pola Policía Local de Poio cando, supostamente, realizaba unha venda de haxix. Os axentes municipais deron conta do ocorrido ao xulgado de garda de Pontevedra, á vez que confirmaron que o denunciado conta con antecedentes. No caso do comprador, leste será denunciado «administrativamente por tenza de estas sustancias na vía pública perante a Subdelegación de Goberno».
Segundo precisaron desde Xefatura, foron os compoñentes dunha patrulla motorizada en labores de seguridade cidadá os que se decataron de que un viandante realizaba ademán de parar a un motorista que circulaba pola avenida da Barca en dirección Pontevedra. Este último detívose ao seu lado e entre ambos establecen unha conversación, de tal modo que, nun momento dado, o motorista «saca unha sustancia (que posteriormente foi intervida polos axentes e que resultou ser haxíx) e fai entrega da mesma ao viandante», quen, á súa vez, «fai entrega dun billete» ao piloto.
Desde a Policía Local de Poio incidiron en que «tanto a tenza como o consumo de sustancias estupefacientes na vía pública están prohibidos», mentres que a súa venda «está considerada delito contra a saúde pública, recollido no Código Penal».