A ANPA do centro ocupacional trasladou ao alcalde as accións de protesta que queren levar a cabo
20 ago 2015 . Actualizado ás 05:00 h.Membros da Asociación de Nais e Pais do centro ocupacional de Saiar recibiron onte o apoio do alcalde de Barro, Xosé Manuel Fernández Abraldes (BNG), nunha reunión na que lle transmitiron as accións de protesta que pretenden levar a cabo os alumnos para paralizar a implantación do copago planeado pola Xunta.
O rexedor local considera que os usuarios están a recibir «un trato inxusto por parte da Xunta, que non pode facer pagar os pratos rotos da crise aos máis vulnerables». Sospeita Abraldes que detrás destas medidas podería haber unha intención de pechar este centro e pide que se «faga xustiza social», reclama o rexedor.
Ademais de sumarse a estas reivindicacións, lembra Abraldes que o pleno xa aprobou unha moción de apoio.