A Garda Civil abriu unha investigación para esclarecer as circunstancias deste suceso
24 jul 2017 . Actualizado ás 12:53 h.Un veciño de Cuntis tivo que ser trasladado este domingo a un centro hospitalario nun helicóptero medicalizado polas queimaduras que presentaba no seu corpo despois de explotar unha bombona no seu domicilio. Residentes deste inmoble explicaron aos servizos de urxencias que a deflagración se escoitou ao redor de únaa da tarde. Con todo, non foi ata catro horas máis tarde que o afectado pediu axuda aos seus veciños.
Xa sobre as 19 horas, os voluntarios de Protección Civil de Cuntis informaron ao 112 Galicia da súa saída, a petición dun particular, cara ao número 82 da Circunvalación, en Cuntis. Desde a central de coordinación de urxencias de Galicia alertou aos axentes da Garda Civil e da Policía Local, así como informou aos Bombeiros de Vilagarcia e aos membros do GES da Estrada e de Protección Civil de Caldas que colaboraron na toma de terra do helicóptero para o traslado do ferido desde o centro de saúde da localidade ata o hospital de referencia.