Aínda que só foi detido o piloto, un home duns 30 anos de idade, crese que no cochen ían tres persoas máis
11 ago 2015 . Actualizado ás 05:00 h.A Garda Civil detivo onte ao presunto autor das desfeitas na escaleira do atrio da Igrexa de Cuntis. As primeiras investigacións reflicten que o detido conducía un todo terreo co que subiu e baixou, en repetidas ocasións, estes chanzos causando importantes danos no acceso ao atrio do templo.
Aínda que soamente foi detido o condutor do vehículo, un home duns trinta anos de idade, crese que no interior do todo terreo ían tres acompañantes máis.
A pesar de ter sido identificado pola Garda Civil, o presunto autor dos feitos tería admitido ser o responsable e mostrou a súa predisposición a asumir os gastos de reparación dos danos causados.
No entanto, o home despois de prestar declaración ante os axentes da Garda Civil foi posto en liberdade.