A creación levou a cabo no exterior do centro cultural da Deputación ante numeroso público
28 may 2017 . Actualizado ás 05:00 h.Numeroso público interesouse pola demostración de estampaxe dun gravado, inspirado en tres libros de Carlos Casares, que onte fixeron catro artistas no exterior do Centro Cultural dá Deputación. Para estampar o gravado, do ferro previamente creado polos gravadores Fonso Castro, Isabel Somoza, Xabier de Sousa e Xosé Poldras, utilizouse unha apisoadora. Tratábase de unir así as vertentes artística e de obras públicas da actividade da Deputación, explicou o responsable do centro cultural, Francisco González.
Un dos artistas, Xosé Poldras, indicou que ademais de facer as estampaxes dos gravados, cunha evocación abstracta de tres dos textos de Casares, tamén se replicou o ex libris do escritor homenaxeado. «O gravado é un procedemento pouco coñecido e tratábase de facelo na rúa, cara o público», explicou Poldras. A xente animouse a gravar as súas propias creacións.