ACABOUSE o de ensinar perna. E o de xogarse a saúde á conta de seguir as tendencias. Despídeche dos pantalóns de pescador. Agora levaralos máis longos que nunca.
18 mares 2017 . Actualizado ás 21:03 h.Pero non tes frío nos nocellos? Tiven que responder a esta pregunta centos de veces. Non, esta parte do meu corpo hase acostumado sufrir os caprichos da moda. Porque se hai que levar os pantalóns cortados á altura dos xemelgos, levan, e punto. Pero a moda, que vira e xira como unha nora, iniciou un cambio de rumbo. O novo obxectivo: coidar da saúde dos nocellos. Poida que o benestar desta parte do corpo non sexa o leitmotiv desta corrente, pero o que está claro é que nuns meses, ou mesmo semanas, acabes arrastrando os teus pantalóns.
A CONFIRMACIÓN
É unha das leccións que deixa a semana da moda de París. Canto máis longas sexan as perneras, mellor. O caso máis claro, o de Céline: un pantalón non é pantalón se non serve para cubrir por completo o zapato. E así, con metros e metros de tea que se engurran á altura dos pés, os culottes comezan a pasar a mellor vida.
1.Tapando o zapato
Así leva o pantalón extra longo que deseñou Phoebe Philo para a próxima colección de Céline, e que se presentou na pasada semana da moda de París.
2. Con chándal
A nova regra aplícase aos pantalóns deportivos: teñen que tocar o chan.
3. O método danés
As danesas, como Pernille Teisbaek, saben que o estilo non está rifado con levar os nocellos tapados.
4. En monos
A moda de arrastrar os pantalóns serve tanto para vaqueiros como para monos. Palabra de Camille Charriere.
5. Guapas e abrigadas
Seguro que os nocellos de Patricia Manfield e Gilda Ambrosio agradecen a nova corrente.
6. Con botóns
Unha variante máis da moda dos pantalóns longos. A cor camel, por certo, tamén é tendencia.