O empresario acaba de montar unha tenda de roupa co seu irmán e con outra socia
28 abr 2017 . Actualizado ás 05:00 h.Unha nova tenda incorporouse esta semana á oferta de comercio da cidade. Nace coa vocación de crecer noutras capitais galegas da man do deseñador Luis Areñas, do seu irmán Carlos e da súa socia María del Carmen Pernás. En 60 metros cadrados de superficie, na rúa Armañá 5, abriron o establecemento ao público cunha colección de 500 pezas, que se renovarán cada vinte días, segundo sinalou Luis Areñas.
Esta tenda é o complemento do outro negocio do deseñador, un comercio de roupa de deseño e marcas referentes, situado nas inmediacións. O local recentemente inaugurado ten unha orientación completamente diferente á do buque insignia de empresario. Identifícase co concepto pronto moda, que supón renovación constante de «roupa doado de levar, económica e dirixida a mulleres con mentalidade nova», segundo sinalou.
Os tres socios cando coñeceron o tipo de roupa que lles ofrecían para vender en Lugo, non llo pensaron demasiado. «Cando nolo propuxeron fomos a ver a colección ?sinalou Areñas? e gustounos moito, sobre todo a min, que levo moitos anos no negocio téxtil. Pareceume que vai encaixar porque é un tipo diferente».
O modelo de establecemento está previsto que o exporten a outras cidades galegas, nas que pretenden crecer a curto e medio prazo. «Este tipo de tendas ?sinalou Areñas? admite crecemento. Creemos que vai gustar moito porque é unha roupa moi doado de levar e de bo prezo».
O éxito de vendas dos primeiros días ha suposto que teñan tido que pedir ao distribuidor que repoña existencias para encher de novo os andeis a partir do próximo martes.
Os tres socios distribuíron eles mesmos os espazos da tenda. A imaxe, o letreiro, os logotipos e a decoración son obra da deseñadora gráfica Laura Pernás, que traballa na Coruña e que plasmou as ideas que lle foron transmitindo os donos da tenda. O resultado foi moi satisfactorio, non só para os propietarios, senón tamén para algúns dos clientes da tenda referente do empresario de moda.
A roupa que venden cómpranlla a distribuidores españois, que a adquiren en diferentes países, entre eles Italia. Os socios están plantificando unha viaxe a Paris para incorporar pezas ás coleccións.