Os postos de venda abrirán ás dez da mañá nas dúas xornadas do festexo
27 may 2017 . Actualizado ás 05:00 h.A localidade de Belesar - no municipio do Saviñao, a beiras do Miño- acolle hoxe a primeira xornada da a undécima edición da Festa dá Cereixa e do Viño. Tanto hoxe como mañá, os postos de venda estarán abertos a partir das dez da mañá. As dúas xornadas contarán con animación musical, a de hoxe coa charanga Garrafón.com e a de mañá co grupo de gaitas Bambalúa. En ambos os casos pecharanse -a partir das oito da tarde- con verbenas animadas polo grupo ferrolán Tribal.
O pregón oficial do festexo será pronunciado á unha e media da tarde de hoxe polo xornalista lucense Antón Grande. Para mañá, a partir das cinco da tarde, está previsto un concurso de aturuxos. Ademais de cereixas e viños, durante estas xornadas poranse á venda queixos, mel, pezas de olería e outros produtos artesanais. No recinto da feira haberá postos de polbo e carne ao caldeiro.
A de Belesar, xunto coa de Ribas de Sil, é a única festa gastronómica do sur lucense dedicada á cereixa.