A norma foi imposta tras o accidente de Germanwings do 2015, ao descubrirse que o copiloto Andreas Lubitz estrelase contra os Alpes o avión tras encerrarse
28 abr 2017 . Actualizado ás 20:15 h.Dous anos despois da catástrofe aérea que custou a vida a 150 persoas cando un copiloto de Lufthansa estrelou un avión contra os Alpes franceses, as aeroliñas alemás anunciaron este venres a súa intención de eliminar a regra que obriga a que haxa continuamente dúas persoas na cabina de voo.
A norma, que as compañas aéreas decidiron impor tras o incidente ocorrido no 2015, ao descubrirse que o copiloto Andreas Lubitz estrelou a propósito o aparello despois de encerrarse só na cabina, perderá a súa vixencia, como moi tarde, o próximo 1 de xuño, informou este venres a Federación de Aviación de Alemaña (BDL).
A partir dese mes permitir que tan só unha persoa ocupe a cabina de pilotaxe. «A avaliación demostrou que a regra das dúas persoas non supón un plus en seguridade», sinalou a BDL para xustificar a súa decisión. Na súa opinión, a apertura frecuente e predicible da porta da cabina podería xerar riscos maiores, ao favorecer que persoas non autorizadas entren ao centro de mandos do avión.
Desde as aeroliñas aseguran ademais que os médicos prestan agora especial atención aos aspectos psicolóxicos e psiquiátricos cando someten aos pilotos a recoñecementos rutineiros. «Creemos que é bo e consecuente que se elimine a regra das dúas persoas. Desde o principio dixemos que a suposta ganancia en seguridade era cuestionable. De feito, fai todo o contrario e crea novos riscos que pesan máis que o caso improbable de que un piloto queira cometer un suicidio», sinalaron desde o sindicato de pilotos Vereinigung Cockpit (VC), un dos principais do país.
En marzo do 2015, o copiloto dun avión de Lufthansa que cubría o traxecto entre Barcelona e Düsseldorf estrelou de forma intencionada o aparello contra os Alpes franceses causando a morte dos 150 pasaxeiros que viaxaban a bordo. As autoridades creen que o autor da catástrofe encerrouse na cabina para evitar que o piloto da aeronave accedese ao habitáculo e puidese abortar os seus plans.