Propoñen situarse na bancada de Gol para apotar ao club «sen límites nin restricións»
20 jun 2017 . Actualizado ás 10:02 h.O malestar polas condicións da Bancada 1923 tivo o seu reflexo nunha proposta alternativa por parte dun grupo de penas. Estes colectivos, anteriormente situados en Río -onde agora estará a nova zona de animación-, animan a pasarse a Gol aos afeccionados que queiran «animar sen máis límites que sentir o escudo, paixón, afouteza e tolemia en cada partido». Apelan a que os celtistas que se sintan «mareados de tanta restrición» -en referencia ao slogan da campaña de abonados e ás normas do proxecto do club, que incluían a prohibición de cánticos contra o club ou os xogadores- súmense a esta iniciativa.
«Embárcate con nós na bancada de Gol (...). Comparte o teu celtismo, comparte o teu delirio», di a mensaxe que multitude de afeccionados comezaron a distribuír a través das redes sociais e WhatsApp na noite de onte. As impulsoras se autodenominan como «penas rebeldes» e prevén situarse no lateral de Gol con Tribuna, concretamente nunha zona na que non hai abonados.